Google ADS

Shpezëtarët paralajmërojnë protesta radikale në rrugë

10:27 | 23 Qershor 2017
Arbresh.info

Shpezëtarët e Kosovës kanë protestuar sot para Agjencisë së Ushqimit dhe Veterinarisë duke kërkuar ndaljen e importit të vezëve nga vendet e tjera në Kosovë.

Fermerët nga pjesë të ndryshme të Kosovës thanë se ata kanë kapacitete për të mbuluar 100 për qind tregun e Kosovës me vezë, shkruan arbresh.info.

Pas një takimi që kryetari i Shoqatës së Shpezëtarëve të Kosovës pati me një prej përfaqësuesve të AUV-it, u tha se këta të fundit kanë premtuar rregullimin e kësaj çështjeje.

Mirëpo, shpezëtarët thanë se nuk është hera e parë që u premtohet e njëjta gjë por nuk ka veprime konkrete.

Ata thanë se nëse nuk merren masa, do të dalin në rrugë për të bllokuar importin e vezëve nga vendet tjera duke kërcënuar se do të rrëzojnë maunet me vezë që futen në Kosovë.

Sipas tyre, investimet e tyre milionëshe po shkatërrohen nga tregtarët që importojnë vezë nga Serbia, Bullgaria e Shqipëria./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm